SOLARIUM Expositionis

SOLARIUM Expositionis

in Collectan. Anastasii Biblioth. Post paululum ergo iusserunt inserri eum in Solarium expositionis, ut esset ibi, quatenus prospiceret Imperator per cancellos triclinii sui ea, quae futura er ant fieri: locus erat eminens Constantinopoli, in quo deinquentes, ut ab Imperatore viderentur, exponi solebant. Solarium enim hîc tectum est planum, Graecis ἡλιαςτήριον, ἡλιαςτικὸν et ἡλιοκάμινος, item ἐξωςτας dictum. Duplicis namque generis apud Veter. tecta erant, plana, aut inclinata, ad stillicidia deducenda: quorum haec fastigia ac culmina, illa moeniana et solaria dixêre, item deambulatoria, quod in iis deambularent. Unde illud Augusti, Quod? ego ut me populus dicat bene cultum, in Solario adbulaturus sum. Ne vero facilis in praeceps lapsus esset (quod Elpenori apud Homerum in Circes aedibus contigit) περίβολος vel podium, in Solariorum circuitu poni solebat, id quod proprie moenianum vocabatur. Vide Hieronym. Ep. ad Suniam et Fretellam, et plura hanc in rem, apud Salmas. ad Spartian. in Pescennio Nigro, c. 12. nec non hîc passim, in vocibus Itera, Prophorum, Provolans, inprimis ubi de Menianis.